صفحة جميع وصفات للطبخ والحلويات
صفحة . وصفات أم وليد
صفحة للطبخ
صفحة .كتاب أم وليد
صفحة . جميع وصفات طبخ أم وليد
 |  |  |
|---|---|---|
 |  |  |
 |  |  |
اهلا وسهلا بالجميع في مطبخ أم ولــيـد
المعجنات و المخبوزات
خبز الدار بالسميد بدون عجن
: المقادير
1 كأس سميد رقيق
1 كأس حليب دافئ
2 كأس فرينة
1 بيض
1 بياض بيضة
1 خميرة الحلويات
1 م ك خميرة الخبز
1 م ك سكر
4 م ك زيت
سانوج
جلجلان
ملح
: طريقة التحضير
نخلط البيضة و بياض البيضة مع السكر و الزيت
نضيف الحليب و نخلط ثم نضيف خميرة الخبز و نواصل الخلط
نضيف قليل من الملح و نخلط ثم نضيف السانوج و نستمر في الخلط
نضيف السميد و نواصل الخلط حتى ينسجموا كل المكونات ثم نغطيهم بكيس بلاستيكي و نتركهم يرتاحوا لمدة 30 دقيقة
نضيف اول كأس فرينة و خميرة الحلويات ثم نخلط جيدا
ثم نضيف ثاني كأس فرينة و نخلط كذلك بالملعقة فقط و يجب ان تبقى العجينة تلتصق
نغطي العجينة بكيس بلاستيكي و نتركها ترتاح لمدة 15 دقيقة
نضع العجينة في صينية فرن فيها ورق طهي مدهون بالزيت و نفتحها رقيقة قليلا ثم نغطيها بمنشفة و نتركها حتى تخمر و يتضاعف حجمها
نخلط صفار بيضة مع قليل من الحليب ثم ندهن به الخبز
نرشه بالجلجلان ثم نضعه في الفرن مسخن مسبقا على اعلى درجة مشعول من الاسفل فقط حتى يستوي ثم نشعله من الاعلى حتى يحمر
بالصحة و الهنا
كوكا مورقة بدون عجين مورق
: المقادير
500غ فرينة
300غ زبدة التوريق
1 حبة بيض
1 ملعقة كبيرة سكر
ماء بارد من الثلاجة
ملح
الحشو اختياري
: طريقة التحضير
نخلط الفرينة مع الملح و السكر ثم نبشر فوقهم كل كمية زبدة التوريق
نخلط الزبدة مع الفرينة باصابع اليدين دون ضغط
نضع في وعاء جانبي حبة البيض مع قليل من الماء البارد و نخلطهم جيدا ثم نفرغهم على الخليط
نجمع العجينة بدون عجن و نضيف الماء البارد حسب الحاجة حتى تتجمع العجينة
نقسم العجين على اثنين و نتركه يرتاح لمدة 15 دقيقة داخل الثلاجة
بعد ما يرتاح العجين نأخذ جزء واحد نرش طاولة العمل بالفرينة و نفتحه باستخدام الحلال حتى نتحصل على عجين رقيق نوعا ما
نقص العجين على حسب مقاييس صينية الفرن و نضعه فيها
نضع الحشو (اختياري) بارد فوق العجين
نفتح الجزء الثاني من العجين بنفس الطريقة و نغطي الحشو من الاعلى
نقوم بتقطيع حبات الكوكا ثم ندهن كامل الوجه بالبيض
ندخلها للفرن على حرارة متوسطة لمدة 45 دقيقة تقريبا حتى تنضج
سندويتش بخبز التوست
: المقادير
خبز التوست
خس
طماطم
باتي
مايونيز
جبن سندويتش
: طريقة التحضير
نقطع خبز التوست ثم ندهنه بالمايونيز
نضع فوقه شريحة باتي و نضيف فوقها ورقة خس و شريحة طماطم و قليل من المايونيز ثم نضيف فوقه جبن السندويتش
ثم نغطيه بقطعة خبز توست اخرى
نغلف السندويتش بفيلم شفاف و يمكن اخذه في الرحلات و النزهات
يمكن استبدال مكونات السندويتش حسب الذوق
مطلوع او كسرة خمير بطريقة سهلة
: المقادير
1 كيلة سميد رقيق
1 كيلة فرينة
1 ملعقة كبيرة خميرة الخبز
1 ملعقة كبيرة سكر
ماء دافئ
ملح
: طريقة التحضير
نخلط السميد مع الفرينة السكر و الخميرة ثم نضيف الملح
نبلل الخليط بالماء الدافئ على فترات حتى يتكون عندنا عجين طري
نقوم بدل العجين جيدا لمدة 8 دقائق حتى يصبح املس
نضيف القليل من الماء و نواصل الدلك حتى يدخل الماء في العجين
نترك العجين يرتاح لمدة 5 دقائق ثم نقسمه الى ثلاث قطع
ناخذ كل قطعة لوحدها نضعها في السميد ثم نضعها في صينية فيها منشفة جافة مرشوشة بقليل من السميد و نتركها ترتاح
ثم نقوم بتشكيل خبزه رقيقه و نقوم بتغطيتها و نتركها حتى تخمر لمدة نصف ساعة و يمكن اكثر او اقل
نسخن الطاجين و نضع فيه الخبزة و نقوم بخبزها قليلا فوقه
بعد ما تنضج من جهة نقوم بقلبها و نستمر في القلب من حين لاخر حتى تنضج من الوجهين
سندويشات الخبز السريعة
: المقادير
خبز اللب
تونة
1 حبة طماطم
2 حبات بيض
شرائح الزيتون
نصف كأس حليب
جبن طري
ملح و فلفل اسود
: طريقة التحضير
نضرب او نخلط البيض قليلا ثم نضيف الحليب و الملح و الفلفل الاسود و نواصل الخلط
نقطع الخبز و ندهن قطعة بالجبن الطري او اي جبن موجود في البيت
نضيف كمية من التونة و شرائح الزيتون و الطماطم
ندهن قطعة اخرى من الخبز بالجبن ثم نغطي بيها الحشو اي نغلق بيها الساندويش
نغطس الساندويش في خليط البيض و الحليب ثم نضعه مباشرة في مقلاة ساخنة مدهونة بالمارغرين
نتركهم على نار قليلة حتى يحمروا من الاسفل ثم نقلبهم و نتركهم يحمروا من الوجه الاخر
يقدموا ساخنين و الحشو يبقى اختياري
بالصحة و الهنا
كرواصون مالحين محشيين بالجبن
: المقادير
1 كأس حليب دافئ
1 ملعقة كبيرة سكر
1 ملعقة كبيرة خميرة الخبز
1 خميرة الحلويات
1 حبة بيض
ربع كأس زيت
جبن طري
فرينة
ملح
: طريقة التحضير
نخلط جيدا الحليب مع السكر و خميرة الخبز و حبة البيض و الزيت ثم نضيف الفرينة و خميرة الحلويات و الملح و نجمع العجين حتى نتحصل على عجينة طرية ثم نغطيها و نتركها ترتاح لمدة 15 دقيقة
نرش طاولة العمل بالفرينة و نضع فوقها العجينة و نرشها بالفرينة و نفتحها على شكل دائرة كبيرة ثم نقطعها على 4 اجزاء متساوية و كل ربع نقطعه على 4 اجزاء او مثلثات
نفتح بالسكين شق في قاعدة المثلث و نضع قطعة من الجبن قريبة من الشق و نفتحه قليلا و نلوي العجين على الجبن حتى نتحصل على شكل حبة الكرواصون
نضعهم في صينية فرن مدهونة بالزيت و نغطيهم و نتركهم حتى يخمروا
ندهنهم بالبيض و نرشهم بالحبة السوداء
ندخلهم للفرن على 200 درجة نشعله من الاسفل فقط حتى يحمروا من الاسفل ثم نشعله من الاعلى حتى يحمر الوجه
فطيرة محشية
: المقادير
500غ فرينة
1 ملعقة صغيرة خميرة الخبز
بصل
طماطم
فلفلة
زيت
ملح
فلفل اسود
: طريقة التحضير
نخلط الفرينة مع خميرة الخبز و الملح ثم نضيف ملعقتين كبيرتين زيت نواصل الخلط
نجمع العجينة بالماء ثم ندلكها على طاولة العمل لمدة 3 دقائق ثم نتركها ترتاح لمدة 15 دقيقة
نشكل العجين كريات و نضعها في صينية فرن مدهونة بالزيت
ندهن الكريات بالزيت و نغطيهم بكيس بلاستيكي و نتركهم يرتاحوا
لتحضير الحشو نقلي جيدا البصل في مقلاة فيها قليل من الزيت ثم نضيف له الطماطم مقطعة مكعبات مع الملح و الفلفل الاسود و نغطي المقلاة و نتركها حتى تنضج الطماطم ثم نضيف لها فلفلة مشوية او مقلية و مقشرة و نتركها حتى تتجمر
ندهن طاولة العمل بالزيت و نفتح فوقها كرية من العجين جيدا و نضعها في مقلاة سمكية او طاجين فيه فوق نار هادئة ثم نضع فوقها كمية من الحشو بارد
نفتح كرية ثانية بنفس الطريقة و نضعها فوق الاولى التي فيها الحشو ثم نقلبها و نضع فوقها الحشو و نفتح كرية ثالثة و نضعها فوقها و نقلبها ثم نضع فوقها الحشو
نفتح كرية رابعة و نضعها فوقهم و نقلبهم و نتركها حتى تنضج مع اضافة قليل من الزيت مع كل خبزة
نضعها في طبق التقديم و نزينها بالجبن المبشور
اسهل و اروع مسمن
: المقادير
2 و نصف كأس فرينة (300غ)
1 ملعقة صغيرة خميرة الخبز
1 ملعقة كبيرة سكر
ماء دافئ
ملح
نصف كأس زبدة ذائبة
نصف كأس زيت
4 ملعقة كبيرة سميد رقيق
1 ملعقة صغيرة خميرة الحلويات
: طريقة التحضير
نخلط الفرينة مع الخمير و السكر ثم نضيف الملح و نجمع العجين بماء دافئ
ندلك العجينة على طاولة العمل لمدة 3 دقائق حتى تصبح رطبة و طرية
نشكل العجينة على شكل حربوش ثم نقسمها على 10 اجزاء متساويين
نشكل الاجزاء على شكل كرات و نضعهم في صينية مدهونة بالزيت
ندهن الكرات بالزيت ثم نغطيهم بكيس بلاستيكي و نتركها ترتاح نصف ساعة
لتجهيز خليط التوريق نخلط جيدا في وعاء او صحن نصف كأس الزبدة مع نصف كأس زيت و 4 ملاعق سميد رقيق و ملعقة صغيرة خميرة الحلويات
نأخذ كرية من كريات العجين نضعها على طاولة العمل مدهونة بالزبت و نفتحها ثم ندهنها بخليط التوريق ثم نطويها على اربعة
نفتح كرية ثانية بنفس الطريقة ثم ندهنها بخليط التوريق ثم نضع فيها الكرية الاولى المطوية ثم نغلق عليها و نضعها في الصينية و نغطيها
نعمل نفس الطريقة مع باقي كريات العجين بحيث تتكون كل حبة مسمن من 2 كريات عجين
ندهن طاولة العمل بالزيت و نفتح فوقها حبات المسمن على شكل مربع لكن نبدأ بالحبة الاولى
نرش الطاجين بقليل من الزيت و نضع فيه حبة المسمن و نرشها بقليل من الزيت و نقلبها من حين الى اخر حتى تستوي من الجهتين
